Какие работы проводятся на автомобильных дорогах общего пользования в Нарынской области со стороны Дорожно-эксплуатационных предприятий?

КР Транспорт жана коммуникациялар министрлигине караштуу “Кыргызавтожол-Түндүк” мамлекеттик ишканасы тарабынан Нарын облусунда төмөндөгү иштер аткарылууда

Нарын облусу боюнча быйыл жалпысы 60 км тегерегинде асфальт-бетон төшөө иштери пландаштырылган.

Анын ичинен бүгүнкү күндө Калинин-Погранич-Кызыл-Туу унаа жолунда 3 км асфальттоо иштери толук бүткөрүлдү.

Калган унаа жолдордо асфальт-бетон катмарын төшөө үчүн жолдун негизин даярдоо жана башка жер жумуштары аткарылып жатат

Маанилүү объекттерди белгилей кетсек, бул Ак-Талаа районундагы Нарын-Баетов унаа жолу. Нарын-Баетов мамлекеттик маанидеги IV категориядагы унаа жолу болуп эсептелет. Жалпы узундугу 120 чакырымды тузөт. Бул жолго Капиталдык салымдар беренесине ылайык 36 км асфальт-бетон төшөө иштери каралган

Бүгүнкү күндө №1 Жол куруу башкармалыгы тарабынан жолдун негизги катмарын асфальт-бетон төшөөгө даярдоо, жолду кеңейтүү жана дренаждык системасын орнотуу иштери аткарылып жатат.

Ошондой эле, аталган пландын ичинде, Нарын шаарынын көчөлөрүнө асфальт төшөлөт:

Ленин көчөсү – 9,5 км;

С.Орозбак көчөсү – 1,28 км;

Нарын ш. айланма жолу – 2 км.

Кочкор районунун ички жолдоруна жалпысы 3,53 км асфальт төшөө иштери каралган:

Бердалиев көчөсү – 2,43 км;

Орто-Сай көчөсү – 0,278 км

Московская көчөсү – 0,278 км;

Химия көчөсү – 0,285 км;

Мечит көчөсү – 0,260 км;

Белгилей кетсек, Сары-Камыш-Түндүк-Түштүк унаа жолунда 16 км түзгөн реконструкция иштери каралган.

Аталган объекттерден тышкары, башка бардык пландаштырылган унаа жолдордо иштер кызуу жүруүдө. Ошондой эле, бүгүнкү күндө Нарын облусу боюнча 1 356 м2 аң-чөнөктөрдү жамоо иштери аткарылды.

Жол тейлөө ишканалары тарабынан бардык унаа жолдордо тынымсыз иштер аткарылып жатат