RU 
KG Сокулук районундагы Александровка–Асылбаш унаа жолунун 2,5 чакырымдык тилкесине асфальт төшөө иштери кызуу жүрүүдө. Бул иш-чара 2025-жылдын титулдук тизмесинин негизинде ишке ашырылып, “Кыргызавтожол-Түндүк” мамлекеттик ишканасынын №28 жол тейлөө ишканасы тарабынан аткарылууда.
Эске сала кетсек, бул жолдун жалпы узундугу 16,5 чакырымды түзөт. Өткөн жылы анын 3 чакырымына асфальт төшөлүп, пайдаланууга берилген. Жолду куруу иштери белгиленген стандарттарга ылайык жүргүзүлүүдө, жана бардык зарыл техника жана жумушчу күчү тартылган.