Талас–Нылды–Покровка унаа жолунда асфальттоо иштери башталды

Талас облусунун Талас районунда жайгашкан Талас–Нылды–Покровка унаа жолунун жалпы 6 чакырым бөлүгүнө 2025-жылдын алкагында асфальт төшөө каралган.

Учурда анын 3 чакырымы “Капиталдык салымдар” беренеси аркылуу каржыланып, “Кыргызавтожол-Түндүк” мамлекеттик ишканасынын №19 Жол тейлөө ишканасы тарабынан асфальттоо иштери жүргүзүлүүдө. Калган 3 чакырым тилке орто оңдоо программасынын алкагында асфальтталат.

Бул иштер айдоочулар үчүн коопсуз жана ыңгайлуу жол шарттарын түзүүгө багытталган.