Жалпы пайдалануудагы унаа жолдордо атайын техниканын жардамы менен мыйзамсыз курулуштарды бузуу иштери жүргүзүлүүдө.

Нарын облусунун Сары-Ой айылында «Кыргызавтожол-Түндүк» мамлекеттик ишканасына караштуу №41 жол тейлөө ишканасынын тейлөөсүндөгү асфальт-бетон заводуна жаңы таш-кум майдалоочу жабдуу толук ишке берилди.

Учурда бул жабдууда үч түрдүү фракцияда курулуш материалы даярдалууда: 0-5 мм, 0-20 мм жана 0-25 мм. Бул материалдар 2025-жылы Нарын облусунда курулуучу жана оңдолуучу жолдорго пайдаланылат.

Алгачкы өндүрүштүк жыйынтыктар боюнча азыркы тапта 400 тоннадан ашык материал даярдалды. Бул заводдун ишке кириши жол курулушунун сапатын жогорулатууга жана курулуш материалдарына болгон муктаждыкты жеринде камсыз кылууга чоң өбөлгө түзөт.

ТжКМ караштуу “Кыргызавтожол-Түндүк” МИ басма сөз кызматы.